Karang sari tibo jo megah

Pantun Minang Nasehat

PANTUN NASEHAT

Payokumbuah jalannyo luruih, Singgah sabanta di Piladang. Kok gantieng jan sampai putuih. Tinnggakan juo salai banang. Oi, Upiek rambahlah paku, Nak tarang jalan kaparak. Oi, Upiek ubahlah laku, Nak sayang urang ka-awak Bak kato ambai2 diguluang ombak bak padati indak ba ganto sungguah sansai di tingga amak  denai tagamang dibueknyo kalau indak dirumpuik saruik Indak pandan kabadarai kalau indak dek sarik hiduik Indak badan kabacarai Payokumbuah koto nan ampek Sasimpang jalan kalimbanang Jalo lusuah ikan tak dapek Badan lah dingin dek baranag Lamo hiduik banyak di raso jauah bajalan banyak di like Jiko iman kurang di dado disiko umat mangko ka sasek.. Ratak limau dek binalu..… Tumbuah sarumpun di tapi tabek… Kok abih raso jo malu… Bak kayu tangga pangabek.… Anak urang kampuang ilalang.. nak lalu ka kampuang baso.. Malu jo sopan kalau ilang.… Abihlah raso jo pareso...

tasabuik ulayaik minang kabau lareh duo luaknyo tigo. nan tuo luak tanah data.. nan bonsu luak limo puluah.. nan tangah luak agam..
panjangnyo bakaratan,lawehnyo basibiran.. naknyo salamaik iduik di rantau.. pacik pitaruah nan tuo-tuo.. manompang lalu indak ba a… parik urang usah di runtuah.. isuak kok jadi buah dandam.. sansaro badan manangguangkan. sa andai mangko bakato.. satolan mangko bajalan.. duduak surang ba sampik-sampik.. duduak basamo ba lapang-lapang.. pandai-pandai lah manyerakkan jalo.lubuak nan banyak balarangan.. kok cabiak kanai pinjaik...
kamalah badan ka batenggang..

silungkang jalan manurun manurun lari balari kiambang disangko gurun kironyo ranjau nan mananti

pulau pandan jauh di tangah.. di baliak pulau si angso duo… hancua badan di kanduang tanah… budi baiak takana juo..

Kaluak paku kacang balimbiang Tampuruang lenggang lenggok kan Di baok urang ka saruaso

Anak di pangku kamanakan di bimbiang Urang kampuang di patenggang kan Jago Nagari jan Binaso

Manyauik di hilie hilie Kok bakto dibawah bawah
Kok manyuruak bungkuak Kok malompek patah Pai kakandang kambiang mangembek Pai kakandang jawi mamemeh Pai kakandang harimau mangaum

Pantun Minang Bergurau

salam dari kami anak-anak minangkabau...

Rumah Gadang maimbau pulang.....

tanah rantau manahan hati.....

sakik jo sanang nan ka di tangguang.....

Jiko salah talampau gadang.....

maaf dipinto satulus hati.....

dek umua ambo baru sa umua jaguang.....

batusangka kota budaya .

singgah sabanta makan pangek .

alah panek awak bagaya .

tapi indak dicaliak-caliak .

cibadak badakak-dakak .

mantimun batali-tali .

ko paruik alah litak .

apo nan ka dibali .

Ninja banamo pandeka japang...

Saolin banamo pandeka di cino...

Di denai cinto ka adiak surang...

Tapi dek adiak babagi duo...

Duo tigo kuciang balari,

ampek limo tatungkuik tacilantang,

Anam tujuah nyo mangeak,

Lapa sambilan sapuluah sabaleh duo baleh tigo baleh dst..

ko rimbo parak awak

kalao samak tolong siangi

kok kayo dunsanak awak

kok bansaek haram di silau nyo

Anak ikan dimakan ikan

Ikan tenggiri di dalam lauik

Sanak bukan sudaro bukan

Dek cinto hati tapauik

Buruang alang tabang kalauik

Tibo dilauik manangkok ikan

Alah lamo denai bamukasuik

Baru kini tasampaikan

Kayu banamo kayu surian

Nan tuo tolong ditabang

Untuak pambuek lamari

Sabana malang untuang badan

Awak tacinto dipunyo urang

Sinan bamanuang surang diri

kalapau mari kalapau

kalapau mambali kopi...

bagurau mari baguarau..

bagurau sampai pagi...!

layang2 simalin deman

bari baikua bakapalo

tabang tinggi diawan biru

lalu kapatabang disangkuiknyo

disayang2 kajadi pamenan

cari saukua kaadaanyo

sadang dihati manggabubu

tibo diurang dirangguiknyo..

iko timun bukan sambarang timun..

iko timun dari lahat..

iko pantun bukan sambarang pantun..

iko pantun dari sahabat..!

kalambau basiang padi..'

padi ditanam urang talago..

hari nan sadang pukuah satu..

bagurau panyanang hati.'.

hati didalam sadang hibo...

hati nan luko dek sambilu

abiek salai daun dulang.

daun d ambiek peti .

lai dnai nan dak ka pulang.

dk hiduik den sulik rajaki.

basalah mangko basabab............

usah sanak ba ibo hati...........

nan garah ka di ajab-ajab..........

nan andia ka di lantuangi...........

samuik karanggo diateh karambia

muncuang mangango salemo mailia.

Baliku jalan kelok sambilan...

Kelok baliku ateh sampai kabawa...

Bara kaibo nyo untuang badan...

Kawan lah pai Awak lah tingga...

limau manih tapi tabek

jatuah ciek tibo d rantiang

awak manih gigi tajungkek

kama pae d salak anjian

bukittinggi di linkar bkit,

bukit d lingkar kayu jati.

Kasih sayang bukan sedikit

dari mulut sampau kehati

pak camat duduak mancangkuang..

tampak tigo nan tabuduang..

duo tomat ciek taruang..

lah sato pulo si bulu jaguang

Luruih jalan kabatu sangka

singgah sbnta dipagaruyuang

dn sangko adiak manggata

kro nyo nda tau diuntuang

bialah pandan denai tinggakan

pandan lah lapuak dalam sawah

bialah badan bajauahan

asakan dihati indak barubah

taragak bana makan samba randang,

tp jauah tmpe mbali nyo,

taragak bana pnyo pacar urang padang,

tapi urang jawa nan basuo ..

Den sangko pneh ka sampai sanjo,

kironyo hujan di tangah hari,

den sangko adiak sabana cnto,

kironyo adiak maungkia jnji.

Ungkai usah sumbarang ungkai

kok taungkai janji nan lamo

pakai usah sumbarang pakai

kok tapakai barang mintuo....

rumah gadang madok kailia.....

 ampangan anyuik dilubuak pua......

 kantuik badatang kanciang balasia.....

 ondoh pondoh cirik kalua.....

Di sangko rumah gadang madok kamudiak

kironyo rumah gadang madok ka ilia

di sangko lah gadang mangko cadiak

kironyo batambah gadang mangko ka pandia

Rokok tembakau rokok ranggaek

Urang rantau den pai ciek

Batang anau tagaknyo miriang

tatahan dek batang jambu

ambo nan dirantau sadang paniang

sabab dek galeh indak laku

aie tajun d lembah anai,

kelok sembilan dipayokumbuah.

ambo bapntun nan alun pandai,

mintak ajaan dek urang jauah.

Karimbo dihari sanjo

sobok baruak balang kaki

mangkok ambo muncul disiko

handak maubek galau dihati

anak ayam makan gulo-gulo …

 anak kanciang geleng-geleng kapalo…

salam kenal dari ambo…

untuak dunsanak kasadonyo

buruang balam tabang karimbo

masuak samak dalam jurangnyo

sambah salam dari ambo

untuak dunsanak kasadonyo

musajik d ateh bukik

ba kunci jo kuro-kuro....

ba'a urang ka sumbayang pintu takunci

sialah nan punyo karajo

Bareh solok bareh tanamo

ditanak ulam pario

nak mudo rang solok suku chaniago

rato-rato gagah urangnyo

bareh solok bareh tanamo

ditanak urang di dlm dandang

nak gadih rang suku chaniago

sanang hati lo awak mamandang

Bareh solok bareh tanamo,,

di simpan urang dalam lumbuang,,

lah rancak kamek pulo,,

tapi sayang alun balaki lah manganduang,,,,

Bareh solok bareh tanamo..

Dipagatok ulam pario

suku chaniago suku tanamo

dan lah terkenal diman-dimano.

Dari bukik tinggi taruih kabaso

tibo dibaso mancaliak randai

mancari bini cari lah jando

ibarek maracak kudo pandai

tumbuah salibu d rumpun padi...

samak dek ilalang nan jo banto...

Lah lusuah rindu di badan diri...

Dek sanak sasa di ujuang cinto

Sadang malepoh,,

sagaleh kopi,,

sadang maonggoh,,

lampu mati,,

Painan jo batang kapeh...

Ka tigo nan jo balai salasa...

Di sinan tido ba uleh....

Di siko arek2 lungga.....

anak sipasan di dalam rimbo

mti digolek-golek batang

kok lah tajua pisang ambo

balikanlah rokok sbatang

Pantun Minang Minta Maaf

Dek bisuak kito alah manjalankan puaso ramadhan...marilah kito saling memaafkan mancuci tangan di tapi talago pohon sabatang indah di tapinyo bulan ramadhan hampia tibo mohon ampun maaf dipinto

M Ullil Fahri

Pantun Minang Nasehat Agama

Layang-layang tabang malayang hinggok di rantiang si kayu jati
sungguah elok urang sumbayang mukonyo janiah hatinyo suci
Siapo maninggakan sinan luhua berangnyo tuhan tibo ba ansua mandapek siksa di dalam kubua dagiang jo tulang hancua malulua. Sia maninggakan sinan ashar karano anggan ataupun engkar paneh di kubua sangek mambaka tiado tampek untuuak mahinda Sia maninggakan sinan maghrib tanah di kubua alah mangapik mayik manangih manjarik-jarikbatambah lamo batambah sakik Sia maninggakan sinan isya karano digaduah setan jo hawa sagalo rajaki kita terima alun di timbang alah di tany Sia maninggakan sinan subuh karano anggan mangikuti suruah taraso sakik saluruh tubuh dagiang jo tulang hancua malulua Sia maninggakan kalimonyo berang tuhan tiado tahinggo diam dibumi indak ka iyo carilah bumi jo tuhan lain padonyo. 

Pantun Minang Sindiran

Salamaik malam dunsanak! malam kini kito basobok baliak dalam acara #PantunMinang
Sabalun masuak tema #PantunMinang, ambo nio maingek an tentang aturan #PantunMinang, disimak:
1. wajib pakai hestek #PantunMinang
2. Pantun indak buliah manganduang unsur pornografi dan SARA
3. diharok an kapado dunsanak, bapantun jan supayo di-RT. Bueklan pantun sa kreatif mungkin. okey?

Untuak malam kini #PantunMinang nyo Pantun Lawak dengan tema “Takicuah Tagak”

• makan soto bacampua cuko | tu pai mambali hp | sangko uda kok awak saliang suko | kironyo adiak php (@reyhanrerey)
• Tasingkok tuduang di ateh meja | nampaklah jariang jo goreng udang | adiak nan kamek den kaja-kaja | ruponyo adiak lah bini urang (@hendrisajaa)
• lah balago si ayam kuriak, lah balago sampai mati, lah tadorong kasiah ka adiak, kironyo adiak lah balaki (@widodoSan)
• Pai lalok, ka rumah rang tuo. Den sangko elok, kironyo bamuko duo @KivatteDioo
• bali motor ninja utk pamer | baun asok knalpotnyo samo jo katiak | sangko uda lah sobok lo jo camer | kironyo pacar baru adiak (@reyhanrerey)
• Ka padang jo si wawan | Tibo di padang si wawan ilang | Sangko kok lai di bayiaan | Kirox bayia sorang2. (@azizarahmi)
• Lapan tigo tambah duo | lapan limo jumlahnyo | Den sangko lai ka di baleh senyum ko | kironyo adiak mamaliangan muko @ozzyrama
• Basamolah kito mamikek ikan| ikan dpikek dtaluak painan| bukannyo dnai indak kacinan | tp adiak lah bagala Rang rumah sutan (@AhmadFadhel)
• Kasingkarak mambali bili | Bili tabali di pasa pagi | Sangko kok lai suko nan gadi | Kirox suko jo laki2 (@azizarahmi)
• ka painan lewat sago | disago ado terminal oto | Caliak tampang preman langsuang baago | kironyo taago calon mintuo (@BangBoco)
• kapasa bali kain pel | painyo parak siang | disangko adiak kok lai singel | kironyo mamanciang ditabek urang (@kidridho)
• Bali jus kasingkarak | singgah dlu ka parak karakah | dn sangko adiak lai ciyusss | kiro bagarah garah (@yudha_cray)
• karupuak kuah sabana lamak. Dimakan nyo pakai sarabi. takicuah denai jo urg bagak. Badan batato hati cibi cibi (@yandanadya)
• sangko disangko batang cubadak,kironyo si batang anau,,denai sangko adiak putiah dek badak,,kiro e putiah dek PANAU (@romyaulia_note)
• bakirok adiak ka subarang | ka subarang mancari ambai ambai | sungguah kamek si adiak sayang | kironyo katiak co rumbai rumbai. (@adhithoppus)
• pai ka restoran padang | untuak mangkudok samba | nan ingin dapek pacar surang | kironyo diagiah kamba (@Takut_Ganteng)
• pai mambali ayam kate | ka pasa pariaman | Uda lah payah pedekate | nan adiak cuma nio bakawan (@VichoAdlan)
• Pai ka solok naiklah bendi | tibo silaiang kudonyo tabaliak | Skali sobok lah kanai hati | kironyo sasuku lo liak sasuku lo liak (@BangBoco)
• Walau cuma ciek kabau | tapi kabau cirik e banyak | Tamanuang uda dirantau | kiro e adiak lah baranak (@OlidPanuli)
• Udin cauk talingo binjai | barumah di lubuk bagaluang | den sangko @infoSumbar yg jadi marapulai | ruponyo ninik mamak orang (@KapaloSukuLubeg)
• Urang padang pai ka pakan | tbo dimakan main balak | wak sangko pria tampan | kiro nyo supir oyak (@arrifyusri)
• buruang pipik tabang k samak | diimpok dek batang jambo aia | dsangko lai k makan lamak | kiro nyo d tulak jo aia (@rip_arip)
• Pai Ka pasa mambali samek | kironyo datang galodo | den sangko kok lai kamek | ruponyo bantuak etek ngaleh lado (triputraFadli)
• rami urang di tapi pantai | main umang² jo ambai² | sadang sanang bana hati denai.. | tibo2 maaf pak.. salah awai (@hfzhl)
• ula anak biawak | samo-samo manateh dari talua | katiko basobok adiak galak | kironyo dek ado lado tasangkuik d gigi uda (@bholeankanak)
• kayu kalek madang dlurah | di ambiak urang kapatanak | ati lakek pandang sudah | krpnyp kiro badunsanak (@Ajoo_Piaman)
• ambai2 tabang k rimbo tibo | dirimbo dicakau baruak | denai sangko adiak lai cinto kironyo denai kanai kicuah tagak (@ekky_86)
• adiak iyo sabana rancak, tp syg suaro gadang.. disangko ka maota lamak, kironyo kanai berang (@Mhd_Kamil)
• baburu si anak kijang | dapeknyo si anak ruso | sangko kasiah ka awak surang | kironyo babagi duo (@infoSumbar)
• Jalan2 ka bukiktinggi | di bukiktinggi yo sabana rami | lah panek denai sikola tinggi2 | nyatonyo adiak balaki datuak maringgi (@masdianto17)
• Kuciang lalok di ateh paha | kuciangnyo balang duo | uda sangko senyum adiak nan maha | kironyo gigi adiak nan tingga duo (@yudhakiswara)
• Lansek painan subana manih | ka bukik pai mambali kain | Uda disiko payah mancari pitih | disinan adiak malenggang jo nan lain (@yudhipratamaa)
• samuik mati dipijak gajah | gajah pun taduduak ditapi sawah | kompak urg manyabuik sah | hati sanang, taunyo utk rang sabalah (@hfzhl)
• Lampu merah tando baranti | ado anak yg manyubarang | gara” lamo mananti | kironyo alah diduluan urang (@bu_yuik)
• Godok bagulo dimakan samuik | tacampak di pintu muko | uda kiro adiak lg marunguik | ruponyo gigi tu bana nan kamuko (@alvinbowie)
• kuciang den manonyo siketti | paja tu suko bagaluik | nan disangko dampatan hati, kironyo lapeh dari gaduik (@Takut_Ganteng)
• Maninjau padi lah masak|puncak lawang tampek barangin|lah hijau kaki den tagak|adiak manumpang jo ojek lain(nasibtukangojek) (@Adexkurniawan)
• Karang sari tibo jo megah | Inyo tibo bao pedang | Sanang hati disapo urang gagah | Kironyo manyapo urg dibalakang (@yandanadya)
• Anak babi ditembak patuih | di makan dek ikan lohan | PDKT raso ka putuih | kironyo kanai pamainan (@bu_yuik)
• iko lansek bukan sumbarang lansek | ciek dimakan kanyang 3 hari | dr jauh nampak kamek | raso k dapek pautan hati, taunyo laki (@hfzhl)
• Buruang gagak tabang k ateh tkuik Jatuah digiliang oto , Uda gagah lagak urg kayo kronyo uda supir oto puso (@cimeq)
• Pai makan ka kadai mak tamek | makan batambuah-tambuah | Caliak pp di fesbuk sangaiklah ka kamek | rupo aslinyo ancak di labuah (@Ocharozanggra)
• ka bangko manjua martabak | nan punyo etek adang | di sangko lai ka di awak | kironyo kini la di urang (@harpensyofvian)
• Manggaleh kain di pasa koto, kain batiak nan paliang laku | den sangko uda kok batato, ruponyo uda nan ba panu (@hangka08)
• ka kadai mambali nasi |makannyo samo gulai toco | la sapanjang tali baruak mambuek puisi | kironyo adiak ndk pandai mambaco (@triputraFadli)